16/9 3:00am

訓訓下，想ｖｖ．突然"Blom"一聲．踢開老公，兩條友你眼望我眼企係到～～～ｖｖ．

老公問：你賴尿定穿水？

我：．．．．．分唔到，我要去厠所．

去完VV後．

我：應該唔係賴尿．不如打比亞媽問問．

媽：穿羊水會好濁．

我：唔係wow，好清wow.禁點?

媽：點?咪生囉！記得洗頭．

之後call的士．五點幾出到QE. 去OK食杯麵，飲維他奶．

6:00am 之後床過床，插尿喉，左手落鹽水，右手落催生葯．幾個護士醫生行來行去．因為Abby Baby 突然心跳慢咗．催生葯冇幫助．醫生決定幫我做手術．講咗一大堆文件內容．sign．sign. sign床過床．入咗手術室，問我九十次叫咩名，身份證no.帶mask，同我講會全身麻醉．一陣煙．．．．．．

11點幾am醒了，講唔到野．過咗一陣，又問我九十次叫咩名，身份證no.床過床推回病房．見到老公同麗麗．第一時間問佢我有冇瘦到

12點幾第一次見到Abby Baby，佢好白，好貪睡

上個星期六我同老公晨早去咗willy屋企睇下工人姐姐相，有幾個好似MJ．結果都係揀返之前溝通唔到個個工人姐姐．下午同豬豬朗朗去飲茶同老公送咗伴衫比朗朗．點解？因為有次朗朗無那那打電話，話要老公送伴衫比佢．之後佢地去睇冰海世紀III．我同老公冇去，因為太貴($85)，之後返屋企租地球停轉日．煲下湯．

星期日又晨早出去何文田考試，考完約老公去屯門睇變形金剛．